Væla Veinólínó

Vinarkveðja

2011-08-16T10:39:00.003Z

„Ég er á leiðinni, keypti mér flugmiða“. Þennan tölvupóst fékk ég frá Gunnari Hrafni í Stuttgart þegar ég var ólétt að flytja heim frá London. Hann birtist svo nokkrum dögum seinna eins og hvíti stormsveipurinn sem hann var, á meðan við Jón þrifum sitthvora skúffuna í náttborðinu kláraði hann eldhúsið. Við tókum að okkur að þurrka af gluggakistunni í stofunni og á meðan kláraði Gunnar Hrafn baðherbergið. Mættur frá Þýskalandi til að hjálpa okkur, óumbeðinn að sjálfsögðu.

Svona var vinur minn. Örlátur á tíma og væntumþykju. Fáránlega duglegur. Snyrtipinni fram í fingurgóma (verst að ekki var farið að örla á þeim eiginleika á sambýlisárum okkar Þóru Bjarkar og hans í Skaftahlíð) og alltaf óaðfinnanlega klæddur. Klár, svo ótrúlega ljóngáfaður að þar höfðu fáir tærnar þar sem hann geymdi hælana. Brimandi af réttlætiskennd þannig að eftir var tekið. Viðkvæmur en samt svo sterkur.
Það orð sem lýsir Gunnari Hrafni samt kannski best er einstakur. Hann skildi allstaðar eftir sig spor þar sem hann kom og þeir sem kynntust honum eiga eftir að muna hann alla tíð.

En hann gat líka verið skapstór og stundum stórorður þannig að hann var ekki allra. En þrátt fyrir að það væri sú hlið af honum sem margir þekktu einungis var það bara yfirborðið því undir niðri var eitthvað það mesta ljúfmenni sem ég hef kynnst. Vinur minn sem alltaf var til staðar til að hlusta, hugga, gleðjast, hlæja og njóta augnabliksins. Þó hann væri kannski ekki alltaf jafn nálægur og þau ár sem við vorum svo samrýmd að óhugsandi var að mæta í fjölskylduboð nema hitt væri með eða að sjálfsagt væri að við værum herbergisfélagar í kórferðum (japönskum húsfreyjum til mikillar skelfingar þegar í ljós kom að við værum ekki par), þá hélst samband okkar alltaf lifandi, alltaf til staðar þegar á reyndi.

Hann var heimshornaflakkari. Ég þurfti stundum að hafa mig alla við að fylgjast með því hvar hann var staddur í veröldinni, einn daginn í Santa Cruz að skrifa doktorsritgerð og þann næsta í York við rannsóknir. Við kennslu í Þýskalandi, Danmörku og Noregi. Síðastnefnda landið reyndist honum kannski best því þar kynntist hann ástinni sinni henni Önnu-Lenu og þá glöddumst við vinir hans óumræðinlega. Ekki spillti fyrir að með henni kom í kaupbæti elskulegi drengurinn hann Tycho. Hamingja þeirra varð svo fullkomnuð þegar Ragna litla bættist í fjölskylduna fyrir þremur árum. Þau höfðu svo fundið sér stað í smálöndum Svíþjóðar þar sem þeim leið öllum óskaplega vel og þau ætluðu sér framtíðarbúsetu.

Því þetta var hlutverkið sem við óskuðum öll að Gunnar Hrafn fengi að upplifa, við vinkonurnar vorum vanar að segja að ef það væri eitthvað sem við vissum þá væri það að Gunnar Hrafn yrði frábær pabbi. Og það var hann svo sannarlega, ljúfur en samt strangur, alltumvefjandi án þess að vera yfirþyrmandi og aldrei óþolinmóður eða pirraður. Hann var foreldrið sem við reynum öll að verða auk þess að vera traustur og ástríkur eiginmaður og missir Önnu-Lenu og barnanna er ólýsanlegur.

Gunnar Hrafn var húmoristi af guðs náð. Hlátur hans var sá mest smitandi sem ég hef heyrt og hann átti nóg af honum. Nóttina eftir að mamma hans hringdi í mig með þessar skelfilegu fréttir settist ég niður og las öll sendibréfin frá honum í gegn um árin en þau voru eini kosturinn við það að búa í sitthvoru landi í öll þessi ár. Og ég hló svo tárin streymdu og blönduðust við tregatárin sem fyrir voru.

Það sem kannski einkenndi Gunnar Hrafn mest hér á landi síðustu ár var barátta hans gegn misrétti. Hann barðist hatrammlega gegn ójafnrétti og gagnrýndi staðalímyndir kvenna og karla eins og þær birtast gjarnan í fjölmiðlum. Barátta hans á því sviði var nauðsynleg og tímabær og henni skal haldið áfram í hans nafni hvað sem tautar og raular.

En þó svo baráttujaxlinn Gunnar Hrafn hafi verið fyrirmynd allra jafnréttissinna sakna ég fyrst og fremst vinar míns. Einstaka vinar míns.

Elsku Anna-Lena, Ragna, Tycho, elsku Inga mín, María Hrönn, Gígja, Björn og fjölskyldur, ég sendi mínar dýpstu samúðarkveðjur.
Hvíldu í friði elsku Gunnar Hrafn. Líf mitt verður aldrei samt án þín.

þín Hallveig

þjóð mín takið eftir:

2009-01-22T20:08:00.000Z

Þessi þörfu skilaboð ganga nú meðal mótmælenda, að frumkvæði anarkista og með fullum stuðningi dagblaðsins Nei., meðal annarra:

„Engin mótmæli föstudagskvöld eða laugardagskvöld. Látum ekki djammmenninguna blandast mótmælunum og byltinguna blandast fylleríi. Látið ganga sem víðast.“

fundið hjá Hildigunni

Áfram Ísland!

FRÁBÆR pistill

2009-01-10T12:55:00.000Z

hjá Láru Hönnu í dag:

Ó, þjóð mín þjóð

Hvar ertu?
Hvar eruð þið, sem skrifið svo fjálglega um ástandið og spillinguna?
Hvar eruð þið, sem ræðið um byltingu í heitu pottunum og á kaffistofunum?
Hvar eruð þið, sem fordæmið bankamenn og útrásarauðmenn?
Hvar eruð þið, sem skammið ríkisstjórn, alþingismenn og embættismenn?
Hvar eruð þið, sem hallmælið gróðærinu og viljið annað siðferði?
Hvar eruð þið, sem eruð ósátt við aðgerðir og aðgerðaleysi ráðamanna?
Hvar eruð þið, sem viljið réttlæti öllum til handa, ekki bara sumum?
Hvar eruð þið, sem hafið tapað á hlutabréfakaupum?
Hvar eruð þið, sem hafið tapað á peningamarkaðssjóðum?
Hvar eruð þið, sem hafið tapað lífeyrinum ykkar?
Hvar eruð þið, sem eruð ósátt við að bankarnir afskrifi skuldir auðmanna?
Hvar eruð þið, sem viljið ekki selja þeim fyrirtækin aftur skuldlaus?
Hvar eruð þið, sem horfið á aldraða foreldra flutta hreppaflutningum?
Hvar eruð þið, sem viljið jafnræði?
Hvar eruð þið, sem sjáið húsnæðislánin ykkar rjúka upp?
Hvar eruð þið, sem hafið misst vinnuna?
Hvar eruð þið, sem viljið kosningar og nýja stjórn?
Hvar eruð þið, sem teljið réttlætiskennd ykkar misboðið?
Hvar eruð þið, sem eruð að lenda í heljargreipum verðtryggingar - sumir aftur?
Hvar eruð þið, sem viljið láta frysta eigur auðmanna?
Hvar eruð þið, sem fordæmið leynd og ógegnsæi aðgerða stjórnvalda?

Hvar er samviska ykkar?

Hvar eru þessar tugþúsundir sem eru í viðráðanlegri fjarlægð, við sæmilega heilsu og ættu að mæta á Austurvöll klukkan 15 á laugardögum og tjá óánægju sína með nærveru sinni þar? Eruð þið í Kringlunni eða Smáralind? Heima að horfa á enska boltann eða þrífa? Í sundi eða húsdýragarðinum? Hvar eruð þið?

Það eru 168 klukkutímar í einni viku. 8 tíma svefn á nóttu eru 56 tímar. 10 tímar í vinnu og ferðir 5 daga vikunnar eru 50 tímar. Eftir eru 62 tímar í viku. Hvernig í ósköpunum stendur á því að þið getið ekki séð af 1 klukkutíma til að mæta á Austurvöll og tjá með nærveru ykkar að þið séuð ekki sátt við ástandið í þjóðfélaginu og hvernig er tekið á því?

Ég bara næ þessu ekki.

Hvort ætli sé mikilvægara - hvort Manchester United vinnur Chelsea í dag eða hvort þið eigið þak yfir höfuðið til að horfa á leik eftir nokkra mánuði? Hvaða máli skiptir hvort þið farið í sund klukkan tólf eða þrjú? Eru Kringlan og Smáralind ekki opnar á öðrum tímum en milli þrjú og fjögur á laugardögum? Hvar í andskotanum eruð þið?

Hvernig réttlætið þið það, að láta okkur hin - par þúsund manns eða svo - heyja baráttuna fyrir ykkur? Hvað gerir ykkur svo sérstök að þið séuð undanþegin því að taka þátt í að berjast fyrir framtíð ykkar sjálfra, barnanna ykkar og barnabarnanna? Hvernig í ósköpunum stendur á því að þið berið ekki hönd yfir höfuð ykkar og látið aðra um að mæta á mótmælafundi fyrir ykkur? Hvar er sú gagnrýna hugsun sem ykkur var gefin í vöggugjöf?

Hvað ætlið þið að segja barnabörnunum ykkar þegar mótmæla- og borgarafundirnir eru komnir í sögubækurnar? "-Varst þú þarna, afi? -Nei, ég var heima að horfa á enska boltann. -En þú, amma? -Nei, ég fór alltaf í Kringluna á laugardögum." Eða ætlið þið kannski að ljúga og segjast hafa tekið þátt í mestu hugarfarsbyltingu Íslandssögunnar án þess að hafa lyft litlafingri eða mótmælaspjaldi? Hvar er réttlætiskennd ykkar?

Ég bara skil ykkur ekki.

Eruð þið virkilega ekki búin að fatta hvað er á seyði? Horfið þið ekki eða hlustið á fréttir? Vitið þið ekki að það er búið að arðræna þjóðina, stjórnvöld hylma yfir með sökudólgunum og enginn er látinn sæta ábyrgð? Vitið þið ekki að heilbrigðisráðherra er að leggja heilsugæsluna í rúst til að einkavæða hana og gefa auðmönnum - að hann hefur ekkert lært? Hvar eruð þið, heilbrigðisstéttir þessa lands á frívakt á laugardögum?

ein spurning..

2008-12-31T14:53:00.003Z

Af hverju finnst þessum sem eru að mótmæla við Borgina það slæmt að fréttamenn spyrji þessa stjórnmálabavíana spjörunum úr? Er ekki einmitt bara fínt að þetta lið sé aðeins grillað?

Sumt skil ég hreinlega ekki alveg.

Mér finnst líka furðulegt að vera á annan bóginn sífellt að kvarta yfir því að fjórða valdið - fjölmiðlarnir séu ekki að sinna sínu hlutverki (sem ég er reyndar gersamlega sammála)og svo á hinn bóginn að ráðast á tækjabúnað annarrar sjónvarpsstöðvarinnar þegar hún er einmitt að reyna að sverma að liðinu..

já, nei, sumt skil ég barasta ekki.

Annars segi ég bara við báða lesendur mína gleðilegt nýtt ár.. ekki veitir víst af!

síðasta blogg

2008-11-29T23:34:00.001Z

var tekið út og fært á flettismettuna..

ég játa...

2008-11-08T22:11:00.001Z

samkvæmt áskorun Varríusar að ég hef undanfarin ár:

ákveðið að hætta að lifa eins og námsmaður og keypt húsgögn í Ikea og Tekk kompaní fyrir hátt í 200.000 lesist tvöhundruðþúsund krónur (hneyksli!)

Tekið árið 2007 að láni fyrir (þá) tveggja ára gömlum toyota yaris 900.000 kr í erlendu láni.. eftir að vera tveimur árum áður búin að kaupa út í hönd 3 ára gamlan daewoo sem við gerðum við fyrir 600.000 kr á einu ári.. og þurftum svo að henda ónýtum.. :P (svívirðilegt!)

farið tvisvar sinnum til útlanda með vinkonum mínum í tvo daga í senn á síðustu tveimur árum (fyrra skiptið tilboð hjá flugleiðum til London, seinna skiptið gist í sjúkraliðaíbúð í kaupmannahöfn)og jafnvel borðað á sushistöðum í báðum borgunum! (bruðl!)

eytt alltof (hmmm og ég meina alltof.. ekkert djók hér) miklum peningum í þau ágætu fyrirtæki te og kaffi og kaffitár.

mea culpa, mea culpa, mea maxima culpa..

Kjallinn

2008-10-30T09:03:00.000Z

minn sætasti af öllum á afmæli í dag.. til hamingju með það ástin mín!

Er á leiðinni til köben í dag þannig að við RDJ rifum okkur upp í morgun og elduðum ammrískar pönnukökur og kaffi fyrir Jóninn sæta fyrst að ég verð ekki heima í kvöld til að elda steik. Hún kemur bara næstu helgi!

Bar pönnukökurnar fram með jarðarberjum, banönum og hlynsýrópi. Það var ekki vont. Morgunverður custom made fyrir kjallinn..

Dagur raddarinnar í Gerðubergi

2008-10-21T12:26:00.000Z

Það verður mikið um að vera á Degi raddarinnar sem verður haldinn í Gerðubergi 26. október 2008 á vegum FÍT og FÍS. Yfirskrift dagsins er: ..."og allir vilja vera á sviðinu" ! en það er titill myndar eftir Karólínu Lárusdóttur sem verður kynningarmynd dagsins.

Þá gefst almenningi kostur á að skoða sig um í heimi sönglistarinnar og hlýða á vel á þriðja tug söngvara á einu bretti. Reynt hefur verið að blanda saman reynslubrýnum og ungum og "upprennandi" söngpípum. Dagskránni verður skipt í þrjá hluta:

Kl. 14 verður úrdráttur úr litaspjaldi raddarinnar í óperu, allt frá bassa upp í kólóratúr sópran, níu söngvarar syngja þekktar aríur: Ecco il mondo (Jóhann Smári Sævarsson), Nedda úr Pagliacci (Jón Svavar Jósefsson), Vesti la giubba (Jóhann Friðgeir Valdimarsson), Una furtiva lagrima (Gissur Páll Gissurarson), Stride la vampa (Nathalía Druzin Halldórsdóttir), Una voce poco fa (Sigríður Aðalsteinsdóttir), Vissi d'arte (Elín Ósk Óskarsdóttir),O mio babbino caro (Hulda Björk Garðarsdóttir) og Næturdrottningin (Sigrún Hjálmtýsdóttir).

Kl. 15.10 verður farið út um víðan völl í stíl, allt frá fimmundasöng (sönghópur Árna Heimis Ingólfssonar) yfir í renessans (Jóhanna Halldórsdóttir), barokk; Jauchzet Gott in allen Landen - Bach (Hallveig Rúnarsdóttir), enskt þjóðlag; The Foggy Foggy Dew (Eyjólfur Eyjólfsson), franska mélodie; Mandoline - Fauré (Hlín Pétursdóttir), þýskt ljóðalag; Die Forelle - Schubert (Bragi Bergþórsson), amerískt söngleikjalag; Ol' Man River - Kern (Keith Reed), raddgjörning (Sverrir Guðjónsson), samtímatónlist; Sequenza - Berio (Marta Halldórsdóttir).

Kl. 16.30 kynnir Jónas Ingimundarson íslenska sönglagið og fær til sín söngvara til að taka dæmi. Þeir eru: Auður Gunnarsdóttir, Davíð Ólafsson, Sigríður Ósk Kristjánsdóttir, Snorri Wium og Þóra Einarsdóttir.

Auk þess munu Kristjana Stefánsdóttir, Jóhanna Þórhallsdóttir, Ingveldur Ýr Jónsdóttir, Signý Sæmundsdóttir og Bergþór Pálsson flytja hitt og þetta - jass/latino/Kurt Weill/Fúsalög - frammi á gangi í hléum.

p.s.

2008-10-04T16:39:00.000Z

Annars er maður orðinn svo gegnsýrður af þessum tíðindum öllum (þrátt fyrir bjartsýni) að þegar ég las í dag að Arnarnesvegi hefði verið lokað var fyrsta hugsunin hvernig í ósköpunum ÞAÐ ætti að hjálpa fjármálunum... :D

perspektív

2008-10-04T15:39:00.000Z

Jóhanna vinkona mín er að lesa bók um þjóðarmorðin í Rúanda og mælir með þeirri lesningu fyrir alla landsmenn þessa dagana ;) Það setur hlutina í alvöru perspektív..

Ég neita að láta þetta buga mig. Hagkerfi er ekkert annað en væntingastjórnun og þegar öll þjóðin hefur linnulaust talað sig í kreppu síðustu vikur og mánuði er ekkert skrítið að hér sé komin kreppa. Eða kreppa og kreppa, það er ekki eins og fólk sé að svelta eða sé komið á götuna, held að ég haldi mig við orðið hans Sigga bankastjóra og kalli þetta lausafjárþurrð (er það ekki annars ástandið sem skapast þegar gangnamenn finna ekki rollurnar?)

Sem betur fer virðast ýmsir hafa húmor fyrir ástandinu, ekki síst þulurinn í útvarpinu í gær þegar hann valdi síðasta lag fyrir hádegisfréttirnar:

"Vor hinsti dagur er hniginn"

Þá hló ég :)

hnotskurnarfyndiðbarn

2008-09-11T12:05:00.001Z

eins og ekki hefur farið fram hjá áhangendum síðunnar á ég einstaklega fyndið barn.. tók mig til að fór að safna gullmolunum saman því það er svo einstaklega leiðigjarnt að þurfa að lesa í gegn um allt bloggið til að finna snilldina ;)
Fínt líka að hafa eitthvað til að skemmta sér yfir svona fyrst við virðumst enn vera á lífi! tíhí

Byrjaði á þriðja árinu og ætla að leyfa ykkur að njóta með:

sumsagt RDJ þriggja: (drumroll please)

Fyndna barnið eftir leikskólann:
Ragnheiður Dóra: Það var bara EINN sveppur í leikskólanum!
Mamma: Borðaðir þú hann?
Ragnheiður Dóra: nei.. mér finnst hann svo óóslekkur.

Fyndna barnið yfir grjónagrautnum:
Ragnheiður Dóra: það er súpa í matinn.
Mamma: nei, þetta er grautur.
Ragnheiður Dóra: Nei þetta er súpa!
Mamma: Nei, grautur.
Ragnheiður Dóra: Má ég segja eitt?
Mamma: já.
Ragnheiður Dóra: (syngur) þetta er súúúpaaa..

Fyndna barnið í mömmuholu:
Ragnheiður Dóra: Máney.. er hún í leikskólanum?
Mamma: já, Máney Rós.
Ragnheiður Dóra: ég var bara að grínast.

Fyndna barnið á klóinu:
mamma: pabbi þinn hefur sett þig í öfugar buxurnar..
Ragnheiður Dóra: Já, hann er svo öfugsnúinn.

Ragnheiður Dóra: Óskar henti drullu í Andreu Sif.
Mamma: það var nú leiðinlegt. En hvað varst þú að gera í dag?
Ragnheiður Dóra: nú, sinna Andreu Sif.

Ragnheiður Dóra: Mamma, þú verður að halda á mér, ég get ekki labbað sjálf því ég er svo þung.

Fyndna barnið í morgunsárið:
Ragnheiður Dóra: Mamma, finnst þér gott að hafa rúsínur í harmagrautnum?

Fyndna barnið í bílnum:
Ragnheiður Dóra: mamma, þú ert með lítið hár.
Mamma: er ég með lítið hár?
Ragnheiður Dóra: neeei þú ert með stórt hár. Ég ruglaðist.

Fyndna barnið eftir að pabbi hennar var búinn að skafa rúðurnar:
Ragnheiður Dóra: Pabbi, varstu að skúra ísinn?.

Fyndna barnið að syngja með Soffíu frænku:
Ragnheiður Dóra: Já pissum svei, ó pissum svei..

Fyndna barnið á þurrksvæðinu í sundi með pabba sínum:
Ragnheiður Dóra: DJÍSUS KRÆST hvað mér er kalt!

Fyndna barnið hjá afa:
Eftir að afi hennar var búinn að sækja lítinn leikfangakassa upp á hillu:
Ragnheiður Dóra: Það er gott afi að þú skulir vera svona sterkur.

Mamma að klæða fyndna barnið í leikskólanum áðan:
Ragnheiður Dóra: nei! gulu húfuna mína!
Mamma: viltu fara í gulu húfuna sem amma prjónaði?
Ragnheiður Dóra: já. Amma er snillingur.

Fyndna barnið að hátta með afa og ömmu í gærkvöldi:
Ragnheiður Dóra: Afi! þú ert sko ROSA kroppur!

Fyndna barnið á leiðinni heim í bílnum í dag:
Ragnheiður Dóra: Pabbi! veistu hvað verður í matinn hjá okkur!
Pabbi: nei, hvað?
Ragnheiður Dóra: það verður PASTA!
Mamma: nei það verður ekkert pasta, það verður kjúklingur í súrsætri sósu og hrísgrjón.
Ragnheiður Dóra: Nei. Mér finnst það ekki gott.
Mamma: Víst finnst þér það gott.. þú hefur oft borðað það.
Ragnheiður Dóra: Nei, mér finnst það ekki gott. Mér finnst ekkert gott nema pasta... og pönnukökur.

Fyndna barnið á Dýrunum í Hálsaskógi:
Mikki refur (að taka reykt svínslæri á bænum) : það stóð ekkert í lögunum að það væri bannað, er það nokkuð?
Börn í salnum: Neeei
Ragnheiður Dóra: Jú það er bannað! Ég er nú bara svo aldeilis hissa á þér Mikki!

Fyndna barnið við pizzuétandi pabbann:
Ragnheiður Dóra: og.. og á morgun er laugardagur og þá förum við í sund og kaupum svo pulsu og förum svo og kaupum nammi!
Pabbi: og má ég fá líka nammi?
Ragnheiður Dóra: neeei..
Pabbi: af hverju ekki?
Ragnheiður Dóra: jahh sko.. þú borðar alltaf svolítið mikið...
(á föður hennar kemur vægast sagt undarlegur svipur)
Ragnheiður Dóra eftir dálitla stund: borðar alltaf svo mikið af pizzu...

Fyndna barnið í leikskólanum:
Ragnheiður Dóra: Má ég fá meira rauðvín?
Leiksskólakennari: Rauðvín!
Ragnheiður Dóra: já
Leikskólakennari: áttu við rauðkál?
Ragnheiður Dóra: æ, já..

Fyndna barnið um lítil börn og guð:
Ragnheiður Dóra: Mig langar svo í lítið systkini!
Mamma: Langar þig?
Ragnheiður Dóra: Já.. litla systur.
Mamma: Þegar kemur nýtt barn þá getum við ekki ákveðið hvort það verður stelpa eða strákur, ástin mín.
Ragnheiður Dóra: Jú víst. Og ég vil litla systur.
Mamma: Veistu hver það er sem ræður hvort það verður? Það er guð sem ræður. En þú getur beðið hann um að það verði lítil stelpa, þá rætist það kannski.
Ragnheiður Dóra: Veistu hvað ég geri! Ég set bara á mig vængina mína, flýg upp til Guðs og bið hann um litla systur!

Fyndna barnið að hlusta á búkollu:
Afi: þá kom bolinn og pissaði og pissaði þangað til bálið var slokknað og héldu skessurnar þá áfram....
Ragnheiður Dóra: og hvað.. óðu þær þá í gegn um allt pissið?

færsla tekin út

2008-09-10T15:16:00.001Z

Þar sem ég virðist greinilega hafa verið að bulla einhverja bölvaða vitleysu í síðustu færslu er ég búin að taka hana út og bið hlutaðeigandi, hina stórgóðu söngkonu Önnu Jónsdóttur og píanóleikarann Sigríði Freyju Ingimarsdóttur innilega afsökunar á þessari vitleysu.

Þeir hjá Kastljósinu hafa greinilega verið með nokkrar tökur í gangi og ekki endilega notað sömu töku á hljóði og mynd en það er þá augljóslega þeirra klúður.

Vil líka taka fram að alls ekki átti að vera um neina meinfýsni eða grín að nokkurri persónu að ræða enda var þetta mjög fallegt innslag og vel gert af hálfu listamannanna (en greinilega ekki tæknimannanna) og mér þykir leiðinlegt ef það kom þannig út. Það var svo sannarlega ekki ætlunin.

bjánahrollur

2008-08-27T17:56:00.001Z

jæja...

er þetta ekki orðið gott bara af blaðri í sjónvarpinu.. þetta er bara orðið pínlegt.

jújú þeir unnu silfur en kommon! bruðl dauðans og blaður um hvort þeir hafi fengið sæmilegan mat í flugvélinni og að það sé nú heldur betur gott að þeir hafi fengið eitthvað að borða á Kjarvalsstöðum, Gísli Einars heldur að Lúðrasveit sé handboltaliðið osfrv.. frrrrekar fyndið sko!

rockin´ with the Mozzi

2008-08-24T14:41:00.000Z

Einstaklega skemmtileg stund í Dóm í gær þar sem við Jón Svavar stórbarítónari, Solla ofurmezzóbeib og hrönnsla plúseinn(viðurnefni sökum ógurlegrar óléttu þessarar frábæru slaghörpudísar) troðfylltum eyru troðfullrar kirkju af konfekti Mozza gamla eins og okkur einum er lagið.. jájájá

Frasa dagsins átti þó Nonni sæti sem laumaði út úr sér þegar ég var að skakklappast út í bíl: ég myndi segja brjóttu löpp en... tíhí ;)

Verð samt að segja ykkur hundtryggu aðdáendum mínum að það er þokkalega krefjandi að syngja aríuna Come Scoglio standandi á einari.. bleh

og svo vil ég bara benda á í lokin að ég hef ALLTAF verið miklu meira fyrir silfur en gull.. og hananú!

svart.. koolsvart

2008-08-15T11:08:00.000Z

Það er eitthvað einstaklega tragíkómískt við það að hafa júdókeppni kvenna - þungavikt beint á eftir fimleikakeppninni...

björgum Þjórsárdal!

2008-07-28T12:31:00.000Z

Jæja kæru lesendur, nú er að hafa hraðar hendur og senda eftirfarandi skjal á Flóahrepp FYRIR 1. ÁGÚST NÆSTKOMANDI!! Ég treysti á alla sem þetta lesa að þeir sendi! Heimilisfang er hér efst, bréfið skal merkt aðalskipulagi. Vinsamlegast dreifið að vild. Koma svo alle hoppa!

Flóahreppur
Þingborg
801 Selfoss

19. júní 2008

Efni:
Athugasemd við auglýst aðalskipulag Flóahrepps 2006-2018 í fyrrum Villingaholtshreppi

Ég undirritaður/undirrituð mótmæli reit I1, iðnaðar- og athafnasvæði á aðalskipulagi Flóahrepps 2006-2018 í fyrrum Villingaholtshreppi, en svæðið gerir ráð fyrir Urriðafossvirkjun Einnig gerir aðalskiplagið ráð fyrir stíflu og varnargörðum Heiðarlóns og mótmæli ég því.

• Urriðafossvirkjun mun setja einstakan laxastofn Þjórsár í hættu og jafnvel þurrka hann út. Talið er að 4-5000 laxfiskar fari upp Þjórsá árlega. Í Þjórsá veiðast 5% þess lax sem veiddur er árlega á Íslandi.

• Verði af Urriðafossvirkjun mun árfarvegur Þjórsár verða nær þurr frá Heiðartanga og niður fyrir Urriðafoss. Þetta þýðir að ein mesta náttúruperla hreppsins, Urriðafossinn hverfur. Þar eyðileggst mikilvægur staður og aðdráttarafl fyrir ferðaþjónustu á svæðinu.
Auk þess ber okkur skylda til að varðveita slíkar náttúruperlur fyrir komandi kynslóðir.

• Hætta getur skapast fyrir fólk eða búfé í nær þurrum árfarveginum sem verður um 3,5 km, ef skyndileg rennslisaukning verður.

• Stífla Heiðarlóns mun standa á Þjórsárhrauninu sem er sprungið og hreyfist mikið í jarðskjálftum. Mikil vá er fyrir dyrum ef stífla og varnargarðar bresta í jarðskjálftum sem eru tíðir á þessu svæði.

• Í Heiðarlóni yrðu 17 milljón tonn af vatni. Hætta er á að grunnvatn muni hækka undan þunga lónsins og að vatn muni fara eftir sprungnu hrauninu undir stífluna. Þá eyðileggjast tún og beitarlönd bænda.

• Áætlað er að Þjórsá muni flytja inn í Heiðarlónið allt að 75.000 m³ af jarðefnum á ári. Þessu efni þarf að dæla upp úr lóninu á hverju ári frá byrjun og haugsetja á bökkum þess. Þó haugsvæði séu ekki staðsett í Flóahreppi verður rykmengun af þessum haug þegar fíngerður framburðurinn þornar og fýkur.

• Í Þjótanda hafa fundist fornar rústir frá fyrstu öldum Íslandsbyggðar. Í stað þess að láta þær lenda undir stíflu væri réttara að nota svæðið til útivistar, fræðslu um lífshætti landnámsmanna og í þágu ferðaþjónustu.

Virðingarfyllst,

_____________________________________________
Nafn, kt.

_____________________________________________
Heimilisfang

ammæli

2008-06-23T09:51:00.000Z

Snillingurinn minn, hin stórfenglega Ragnheiður Dóra, betur þekkt sem fyndna barnið á þessum vettvangi er átta ára í dag.

(sem er náttúrulega bara djók.. hún getur ekkert verið orðin svona stór ;))

Hjartanlega til hamingju með daginn elsku hjartans ástin mín :D

aaaahh við bangsa

2008-06-03T18:02:00.000Z

Þvílík og önnur eins vitleysa sem vellur upp úr fólki í sambandi við þetta bjarnardráp.

Það er vitað að dýrið var mjög líklega svangt og er þar með orðið lífshættulegt. Hvað ef það hefðu verið börn að leik við hús þar sem björninn kæmi að úr þokunni? Það er augljóslega ekki hægt að segja til um í hvaða átt það hefði farið, hefði átt að banna fólki að vera úti við í 100 km radíus við þar sem björninn hvarf sjónum? Og hvað lengi? Í Noregi eru birnir umsvifalaust skotnir ef þeir ganga á land. Það er ástæða fyrir því og hún er sú að þeir DREPA fólk.

Vinkona mín var að vinna á Svalbarða og þurfti til þess byssuleyfi. Það var til að geta skotið hvítabjörn ef hann kæmi of nálægt mannabyggðum.

Á moggablogginu eru auðvitað allir að missa sig yfir þessu enda mikið þar um raunveruleikafirrta borgarbúa með ekkert of háa greindarvísitölu.

En ég er sammála því að montmyndir af atburðinum voru gersamlega yfir strikið..

gaaaaahhhh!!!!

2008-05-26T19:24:00.000Z

hvenær kemur eiginlega gott veður í Reykjavík!!

Og þá er það samantektin..

2008-05-24T20:49:00.000Z

Af norðurlöndunum eru það AUGLJÓSLEGA Finnar fyrir mig, en í heildina held ég Úkraína.

en hér eru topp 10 að mínu mati:

Úkraína vinnur. Hin 9 eru ekkert í sérstakri röð:

Finnar

Portúgal

Króatía

Armenía

Albanía

Bretland

Svíþjóð (þó mér finnist það lélegt)

Ísrael eða Noregur (þó mér finnist þau bæði fremur slöpp)

og svo auðvitað ÍSLAND!!!!!!!!

Norðmenn

2008-05-24T20:45:00.000Z

æi..

byrjunin var slök.. framhaldið ekki betra.. en samt alls ekki það besta.

Rússland

2008-05-24T20:41:00.000Z

Jón deyr hægt að innan.. en mér finnst þetta sosum ekkert það versta, bara roosalega ofsungið!

Serbía

2008-05-24T20:36:00.001Z

já þetta er bara fallegt. Fiðluleikari á sviðinu ossona. Ekkert meira um það að segja.

nema.. ég sagði jaaaaá... eeen núnanúnanúnanúna NEI!

Spánn

2008-05-24T20:32:00.000Z

þetta er tilbreyting.. bara alveg ágætt!

quatro - e robocop!

Grikkland

2008-05-24T20:30:00.000Z

þema keppninnar í ár eru amrískar söngkonur sem eru ættaðar frá einhverju evrópulandi sem komast ekkert áfram í American Idol og flytja því "heim" til að fá að taka þátt í júróvisjón.

O jæja, þær komast allavega í sjónvarpið.

Ömurlegt.

azerbajan

2008-05-24T20:24:00.001Z

bíddu, voru þessir líka með helíum?

Veit ekki aaalveg hvað ég á að halda um þetta.. finnst þetta frekar klént eiginlega.

Reyndar frekar vel sungið.

eeehh þangað til gaurinn með síða hárið kom með þessa contorted trillu...

eins og Jón sagði, don´t quit your dayjob.

Frakkar

2008-05-24T20:21:00.000Z

eru fyndnir.

OG þeir komu með helíum.

úkraína

2008-05-24T20:18:00.001Z

iii hvað þetta er smart! hún er líka sæt og í flottum kjól og að syngja flott lag!

hmmm ætli úkraína hafi efni á að halda keppnina svona fljótt aftur?

Byrjunin var sérlega flott.. það var eins og þetta væri tekið í Hogwarts..

Georgía

2008-05-24T20:13:00.000Z

hmmm er sumsagt ekki nóg að treysta á blindu söngkonuna, þarf líka að vera með eitthvað svona worldpeace?

vona að þetta verði neðarlega.. þetta er bara pínlegt!

danskemand

2008-05-24T20:10:00.001Z

Hann er ekkert með skemmdar tennur! Ennþá voða sætur.. og ennþá með leiðinlegt lag :)

Samt.. maður kann það gersamlega utan að eftir að heyra það einu sinni.. gæti virkað!

Svíþjóð

2008-05-24T20:08:00.000Z

hmm Gunnar Hrafn.. er ekki bara gi kúrinn það að fara í ógeðslega margar lýtaaðgerðir?

Okkur finnst allavega mjög fyndið að Bratz dúkkan fyndna barnsins er mun líkari þessari "fegurðardís" en Birgittudúkkan var Birgittu ;)

Lettland

2008-05-24T20:05:00.000Z

ok.. gimmí a fokkíng breik!

jafn leiðinlegt og síðast.

Portúgal

2008-05-24T20:03:00.000Z

eitt af fáum lögum sem náði mér strax og ég heyrði það.. flott og fer langt.. ef einhver glóra er í þessu!

tyrkland

2008-05-24T19:52:00.000Z

leiðinlegt... nenni ekki að segja meira um það.

ísland! jeijeijei!!

2008-05-24T19:48:00.000Z

úúú komið að því! Vona að þau nái sama árangri og um daginn.. mega samt minnka aðeins kfum gleðina.

Friðrik er að ofspenna soldið..

Regína líka... leka pínu uppfyrir í pitsji..

fannst þetta betra á fimmtudaginn.. standa sig samt bara vel sko.

lýsingin í smá rugli í lokin og mjög vel klappað!

Pólland

2008-05-24T19:44:00.000Z

Barbí bara mætt? held að þessi hafi sofnað í ljósabekknum.

æi hvað þetta er leiðinlegt lag og jarmað.

Gott lag til að hafa á undan Júróbandinu.

Króatía

2008-05-24T19:39:00.000Z

iiii hvað gamalmennið er mikið krútt!

Þetta er bara flott, flott lag, flott uppsetning, og sá gamli er alveg að ná mér!

Þessari ofvirku flamencokellingu er samt ofaukið.. en þetta verður hátt!

Frændur okkar Finnar

2008-05-24T19:37:00.000Z

Eiginlega alveg sama hvað finnakrúttin bjóða upp á, mér á alltaf eftir að finnast það flott.. mér finnst þetta reyndar flott í alvöru! Enda rokkari inn við beinið.. hvers vegna haldiði að ég sé alltaf að syngja Bach?

Ísrael

2008-05-24T19:32:00.000Z

afhverjuafhverjuafhverju er þessu spáð einhverju gengi? Leiðinlegt lag og þrátt fyrir að vera með geðveika bíseppa hljómar hann samt eins og stelpa ;)

Bosnía-Herzegovnia

2008-05-24T19:27:00.000Z

fjögur brúðkaup og... jarðarför?

Armenía

2008-05-24T19:24:00.000Z

Jei! kellekelle!

Við fyndna barnið höldum sko með þessu, spennó hvernig henni gengur..

flott hjá henni.. nema soldið stressuð greyið.. kóreógrafían er ógó flott samt!

þetta verður bókað í topp 3.

Þýskaland

2008-05-24T19:19:00.000Z

at least zei are in minizkirts.. var svarið sem Jón fékk þegar hann spurði þýska vinnufélaga um hvernig þýska lagið væri..

úff þær eru nú meiri horrorinn! þetta er hryllilega fölsk, agalega vond spicegirls eftirherma nema þær eru svona eiginlega meiri eftirherfa!

Albanir

2008-05-24T19:16:00.000Z

hey þetta er þessi í flotta jakkanum! Kúl!

Mér finst hún ennþá frekar góð bara.. eða þeas þangað til núna!

soooldið of hátt í tóninum fyrir pitchfasistann mig :D

Jú kei - ó kei

2008-05-24T19:13:00.000Z

jájá.. þetta er ekkert alslæmt, allavega það skársta sem hefur komið frá bretum í langan tíma..

Djöfull væri gaman að heyra hvað Terry Wogan segir um þetta? ;)

jæja, og þá hefjast leikar.. Rúmenía

2008-05-24T19:09:00.000Z

vá hvað ég hefði látið hann standa einan í þessu, hann var allavega ágætur til að byrja með.. hún var hræðileg allan tímann og hann varð agalegur þegar hann fór að reyna að syngja yfir hana ;) hehe..

mútter sagði að við ættum bara að senda Gardar Thor next..

Ungverjar

2008-05-22T20:01:00.000Z

hmm hvorkiné.. leiðinlegt júrópopp en sosum ágætlega flutt.

Georgía

2008-05-22T19:57:00.000Z

ok.. það er ekkert betra að jarma þó maður sé blindur..

frændur okkar danir

2008-05-22T19:56:00.000Z

Vá hvað þeta er leiðinlegt lag. En hann er samt sætur.

Búlgaría

2008-05-22T19:52:00.000Z

ok... vá.. maður er bara kominn aftur í Skipholtið ´95.. say no more.

Króatía

2008-05-22T19:48:00.000Z

gamlingjaspinoffið af 50 cent (75) er í ALVÖRUNNI fyndið. finnst þetta líka bara frekar smart.. þetta fer bókað áfram!

Lettland

2008-05-22T19:44:00.000Z

hehe þetta var brandari kvöldsins hjá Simma.. samið af svíum og getur þess vegna ekki verið neitt sérlega fyndið ;)

Þetta hlýtur að fá stigin sem misheppnaðasta djók kvöldsins.. ahmm

hvít-rússar

2008-05-22T19:39:00.000Z

úúú faaalskt! þetta er VONTVONTVONT!

Tékkar

2008-05-22T19:38:00.000Z

fór á klóið.. og þegar ég kom niður sá ég að ég hafði valið mér ágætis tíma til þess.. ef þetta lag kemst áfram verður það BARA vegna fermetrafjölda af kvenmannsholdi til sýnis ;)

Sviss

2008-05-22T19:33:00.000Z

jájá.. það er bara rúgantínó band..

annars er hann voða sætur greyið, má nú eiga það. Bara komin með upp í háls af ítölskum ballöðuvælutóni eftir 3 frí þar á 4 árum ;)

Albanía

2008-05-22T19:24:00.000Z

ætli þessi gerfitár sem er búið að troða undir augun á henni eigi að framkalla einhver simpatí vóts?

Hún er allavega í flottum jakka. Ágætlega sungið hjá henni líka..

Litháen

2008-05-22T19:23:00.000Z

GAAAAHHH!! hvað er þessi maður að gera á sviðinu! þetta er HRÆÐILEGT!

Úkraína

2008-05-22T19:22:00.000Z

Vá.. meira að segja ég segi B O B A!

Tyrkland

2008-05-22T19:14:00.002Z

hmmm.. þeir ættu kannski bara að fara að afgreiða í delí-i?

Nei annars.. þetta er sosum ágætt.. er ennþá í rokkgírnum eftir að hafa horft á úrslitin í AI í morgun :D

svíþjóð

2008-05-22T19:14:00.001Z

jeminneinasti, hvað getur ein kona farið í margar lýtaaðgerðir og mikið fitusog?

júró í beinni

2008-05-22T19:13:00.000Z

jájá þau stóðu sig ágætlega greyin.. fannst samt einstaklega hallærislegt þetta siggu/örvars dansspinnoff.. en kannski virkar það! Það var allavega páer!

Kökur, vín og fagrir vælutónar

2008-05-20T22:48:00.000Z

Vil minna æsta aðdáendur Vælunnar á stórfenglegan kökukonsert á Kjarvalsstöðum annað kvöld (miðvikudag) kl 20.00. Þar mun vælan skemmta ásamt fögru föruneyti tónlistarmanna, Margréti Sigurðar hinni fögru sópranínu, Agnieszku hinni fingrafimu, Frank hinum taktfasta, Þuríði hinni flautandi og Kippa Kanínus hinum ævintýralega.. hin frábæra myndlistarkona Björk Viggós mun sjá augunum fyrir skemmtun á meðan og svo er það rúsínan í pylsuendanum..

Hafliði Ragnarsson, sjálfur ammbassadör belgísks sjúkkulaðis hérlendis og Arnar vínogmaturpúnkturis munu sjá um að bera í tónleikagesti guðaveigar af bestu gerð.. allt í stíl við tónlistina!

þetta verður stórfenglegt ferðalag um árstíðirnar, byrjum um vetur og færum okkur yfir í sjóðheitt sumar!

Þetta er eitthvað sem enginn.. og ég meina ENGINN má missa af!

Áhugasamir miðakaupendur geta farið í 12 tóna, en mun betra er að heyra í mér beint, hallveig hjá yahoo púnktur komm.. miðum fer nebbla verulega fækkandi! fyrir utan það að hjá mér fáiði þetta á spottprís, tvöþúskall.. þyrftuð að punga út hærri upphæð á Skólavörðustígnum og við inngang.. :D

allir að lesa þetta.. mjamm

2008-05-20T00:22:00.000Z

besta samantekt á akranes-blöndernum sem mallar þessa dagana..

Nora Kornblueh - in memoriam

2008-05-19T17:55:00.000Z

Kær og elskuleg vinkona mín, Nora Kornblueh, var borin til grafar í dag. Ég varð þeirrar gæfu aðnjótandi að vera beðin um að frumflytja útsetningar á gömlum íslenskum sálmalögum fyrir sópran og selló eftir Snorra Sigfús Birgisson á Listahátíð 1998. Ég hafði heyrt talað um Noru enda var hún sellókennari Ólafar vinkonu minnar en ég hafði aldrei hitt hana þegar ég mætti til fyrstu æfingar á Reykjavíkurveginn. Á móti mér tók ein fallegasta kona sem ég hafði séð. Það var eins og hún ljómaði innan frá, útgeislunin var slík að ég man varla eftir að hafa orðið fyrir öðrum eins áhrifum við fyrstu kynni. Breiða brosið hennar náði til augnanna og gott betur og hrafnsvart hárið ljómaði.

Hér var á ferðinni manneskja sem var greinilega góð í gegn. Ég man einmitt eftir því að ég lýsti henni við Ólöfu að hún væri eins og gull.

Ekki brá nokkurn tíma skugga á þessa mynd mína af Noru. Næstu árin á eftir störfuðum við töluvert saman, að mestu leyti með þetta sama verk og fleiri eftir Snorra. Ótrúlega minnisstæð er dásamleg vika sem við áttum í Skálholti árinu eftir að við hittumst fyrst, þar var Óskar maðurinn hennar með og Snorri og svo Dísa og Steif. Í erfinu áðan ræddi ég við Dísu og minntumst við báðar þessarar viku sem einnar þeirrar bestu sem við höfum upplifað.

Ekki síðra var að sitja með Noru í eldhúsinu á Reykjavíkurveginum, drekka stórkostlegt kaffi og tala um lífið og ástina á þann næma og leitandi hátt sem einkenndi Noru.

Síðastliðinn tvö ár voru afar slæm hjá Noru, hún veiktist illa og kvaldist mikið og var eins og skugginn af sjálfri sér. Nú er hún Nora mín komin á betri stað þar sem hún er hætt að finna til.

Ég sendi strauma mína þessa dagana til hans Óskars, samband þeirra var ótrúlega sterkt og ástríkt og mér til mikillar fyrirmyndar, og til drengjanna þeirra tveggja, Mikhaels og Arons Inga.

Nora mun alltaf eiga sér stað í hjarta mínu. Megi hún hvíla í friði.

köben sweet köben

2008-05-09T17:16:00.000Z

jeminneinastibarasta hvað það var óendalega skemmtilegt hjá okkur vinkvennagenginu í kóngsins Kaupinhafn. Nenni nú ekki að fara að týna til allt sem gert var enda væri það óskaplega tilgangslaus tiltýningur en hér koma svipmyndir:

Í ljós hefur komið að við hvert sæti gyllta turnsins í Tívolí eru ælufötur.. sem reynast svo vera töskugeymslur þegar nánar er skoðað ;)

Skyndibitamaturinn á Wagamama (óendanlega gott!) hættir að vera "skyndi" þegar afgreiðslustúlkan er ný..

HogM á strikinu er ógeeeeðslega leiðinleg búð á laugardagseftirmiðdögum.. HogM í fisketorvet er frábær búð á mánudagsmorgnum :D

Mun skemmtilegra er að versla á hliðargötunum við strikið.. sérstaklega eftir nokkur hvítvínsglös ;)

Það er ömurleg afgreiðsla í Oasis í Nonnabúð.. en flottir ballerínuskór!

Umami er rosalega flottur staður og maturinn ógeðslega góður.. en EITRAÐUR! sýking dauðans eftirá.. en sem betur fer nógu eftirá til að vera kominn heim frá Köben.

Í framtíðinni MUN verða keypt íbúð í Hólmanum eða kristjánshöfn.. og hananú!

Litla hafmeyjan er ekki jafnflott frá sjó.. maður sér bara rassinn.. afsakið sporðinn :Þ

Kaffi Diamanten er ennþá með góðar samlokur..

Kaupmannahöfn er DÁSEMD DÁSEMD DÁSEMD í góðu veðri :D

hreinsunarátak

2008-05-09T17:14:00.000Z

tók þorskaleiga til á þessum línkalista mar.

Línuskautabyrjandinn

2008-04-21T18:30:00.000Z

héðan í frá fer ég ALDREI út að æfa mig á glænýju línuskautana mína fyrr en eftir klukkan 6.. eftir að bloddí verkamennirnir frá Vatnsveitunni eru hættir að vinna...

væt trassj

2008-04-20T16:10:00.000Z

Eftir velheppnaða skautasýningu fyndna barnsins skutluðum við tengdó í Hvergigerði þar sem hún dvelur þessa dagana sér til heilsubótar.

Á leiðinni taldi ég súppa á að koma með mér í nostalgíukastið Eden og bjóða liðinu upp á ís. Þvílíkt og annað eins hvítahyskispleis! Algjörlega dásamlegt á allan hátt, þarna er allt til alls fyrir bolinn, ömurleg lítil leiktæki, peningaplokkssmádraslssjálfssalar (æ þið vitið, þessir með bangsímon og disneyprinsessum) hryllileg, HRYLLILEG málverk til sýnis, gerfivíkingaskip, rándýrar garðplöntur, afskaplega dýr hamborgarabúlla í spariklæðnaði, túrhestalopadrasl á okurprís.. jú neim it! Enda komst ég í frábært skap við þessa dýrð alla :D

Ísinn var svo alveg ágætur og ekkert dýrari en gengur og gerist.. sem er nýtt.

Þegar við keyrðum út af staðnum stakk súppi upp á að við toppuðum vættrassjið og skelltum okkur á Selfoss. Þá bjó ég til brandara og hann er svona:

Q: hvað er meira white trash en KFC?
A: KFC á Selfossi!

:)

soavi sia il vento

2008-04-14T09:09:00.003Z

fór í gærkvöldi að sjá mína elskulegu Kósý fann Túttu hjá Óperustúdíói ÍÓ

Það var nú meiri snilldin! Börnin sungu guðdómlega, ég var sérstaklega hrifin af Jóni Svavari og Sollu SAM og henni Tinnu minni Árna auðvitað.. Þorri, Svenni og Hanna Þóra voru líka öll alveg hreint ljómandi góð. Ekki má svo gleyma the Edwardian (sissorhands) hljónstarstjóra Daníel, sem auk þess að halda valdsmannslega um sprotann og draga með því fram það besta úr krökkunum, átti grínleik kvöldsins.

Uppsetningin var dásamleg eins og við var að búast með snillinginn Ágústu Skúla við stjórnvölinn, allt hélst hér í hendur, leikstjórn, búningar, sviðsmynd og lýsing við að skapa alveg einstaklega skemmtilega og cosi stemmningu. Uppsetningin var frekar einföld sem var ágætis léttir eftir ofhlaðna latravíötu í húsinu fyrr í vor.

Síðasta sýningin er annað kvöld klukkan átta og ef þú, kæri lesandi, ert ekki búin að sjá hana þá er það bara - vertu þar eða vertu ferhyrningur! Miða geturðu fengið hér og hefur þessvegna enga afsökun.. ;)

Voff

2008-04-14T09:09:00.001Z

You are a dog

Or maybe you are a mosquito, you certainly can't be human.

The highest pitched ultrasonic mosquito ringtone that I can hear is 21.1kHz

Find out which ultrasonic ringtones you can hear!

Fyndna barnið á leiðinni í háttinn

2008-04-07T22:15:00.000Z

Eftir tannburstun og fiskafóðrun á leiðinni niður stigann:

pabbi: Ertu tilbúin Ragnheiður?

rdj: YEAH BABY!!

Óhamagangur á hóli

2008-04-06T23:03:00.000Z

Enn bólar ekki rassgat í bala á bötnun hér á bæ. Er enn kjöltrandi eins og "an asthmatic ant with some heavy shopping" svo maður vitni nú í Blackadder.

Þetta gengur nú auðvitað ekki lengur og hef ég því tekið ákvörðun. Ég mun vera VEIK heila næstkomandi tvo daga með öllu því sem því fylgir, mætingaleysi í vinnu og (aðrar) tómstundir, sófahangsi yfir vídjói (þar sem helv.. sjónvarp yfir adsl valdi sér þennan prímustíma til að bila og verð ég því að treysta á vídjóleigurnar til að sjá mér fyrir skemmtun) og almennu letihangsi. Og hananú!

Ekkert skal af viti gert fyrr en í fyrsta lagi á miðvikudagsmorgun og þá bara ef ég verð orðin góð! (ja eða allavega betri)..

Ætla líka að heyra í honum Einari mínum Thor og bera mig aumlega enn eina ferðina.. og spyrja hann bara hreint út hvort ekki sé kominn tími á að hitta lækni sem hefur lungun fyrir neðan hne-fið. Lyfin sem hann Einsi minn er að gefa mér eru allavega ekki að virka baun..

og skal nú látið af veikindakvarti á þessu bloggi! Ég þakka þeim er hlýddu.

Mu

2008-04-03T18:29:00.000Z

lífið er í svartara lagi þessa dagana þrátt fyrir stöðugt sólskin úti.. ég verð bara alveg "ÓMULEG" þegar röddin svíkur mig svona, finnst reyndar alltaf jafn fyndið þegar þetta gerist hvað röddin er svakalega stór hluti af mér.

mu

mumumu

mumumumumumumumu

sjálfsvorkeeeeeeeeennnnnnnnnn.....

gúnatt mín skatt

2008-04-03T09:40:00.000Z

Skatturinn búinn og fengið sér hvítvínsglas til fögnuðs. Byrjaði svo daginn á skemmtilegu nótunum hjá honum Einari mínum Thor sem gladdi mig með fjórða pensillínkúrnum og slökunarsprautum í morgunsárið. Stuð!

Voðalega er ég komin með mikið ógeð á þessum heimsku mótmælum, sérstaklega fannst mér alveg einstaklega stúbidd að sjá risajeppahommana kvarta. Kommon, ef þú getur eytt péníngum í svona risatrukka, geturðu vel borgað fyrir bensínið! Fer svo alveg hrikalega í taugarnar á mér þegar þessi Sturla mætir í alla fjölmiðla og segist finna fyrir svo miklum "stuðningi frá almenningi".. við hvern er hann eiginlega að tala? Bubbu frænku Sigga mágs síns og Lúlla gamla félagann úr Réttó?

Allt heilvita fólk orðið pirrað á þessu.

Hvernig væri að taka sig frekar saman í mótmæli gegn OKURMATARVERÐINU sem hér er að birtast í búðunum? Í hvaða siðmenntaða landi er hægt að hækka mjólk um 15% á einum degi án þess að það heyrist múkk í fólki?

SEF

2008-04-02T11:20:00.000Z

jæja, nú held ég að það sé endanlega komið að því að við Tóta vinkona stofnum samtökin sem við erum búin að vera að plana síðustu ár, Samtök Einstaklinga með Frestunaráráttu.. skammstafað SEF.

Helvítis skattur dauðans.... grrrr

Vei

2008-03-27T17:15:00.000Z

þriðji pensillínkúrinn sem ég byrja á á 8 dögum...

rosalega er svona lungnabólga skemmtileg!

stolt

2008-03-25T19:52:00.000Z

móðurhjartað gleðst við að sjá barnið hlaupandi um allt.. með gömlu, bláu og hvítu MH húfuna hennar mömmu sinnar..

pabbi sjötugur

2007-12-27T14:45:00.000Z

minn kæri faðir á stórafmæli í dag, hann stendur á sjötugu og trúi því hver sem vill!

pabbi er mér ótrúlegur stuðningsmaður og hvetjari auk þess að vera eins og alkunna er með skemmtilegri mönnum.. hann er frábært skáld, frábær ferðafélagi og þess fyrir utan að sjálfsögðu besti afi í heimi!

Til hamingju pabbi minn, mér þykir alveg óskaplega vænt um þig :)

pabbi í stuðinu einu sinni sem oftar í Kjalvegsgöngunni okkar í fyrra.

dásemd

2007-12-19T17:46:00.000Z

ótrúlegur SNILLINGUR er Halldór Gylfason.. manni sem dettur í hug að láta spegilinn í Mjallhvíti hljóma eins Guðna Ágústsson á skilið einhverskonar verðlaun.

oj

2007-12-17T16:51:00.000Z

er að krepera á þessu veðri dauðans alltaf hreint, er með bullandi bakflæði og vinnuviku frá helveðe framundan (þetta tvennt fer sumsagt eins og gefur að skilja afskaplega illa saman), jólagjöfin krakkans er uppseld á ÖLLU LANDINU (veit það, er nebbla búin að hringja í allt landið að leita að henni) og það svarar ekki í búðdruslunni þar sem ég þarf að fá upplýsingar um hvort gjöfin kallsins sé komin í hús.

Mikið er nú gott að ég skuli vera svona blessunarlega laus við allt jólastress.. ha..

spadomsgafan

2007-12-14T17:39:00.000Z

Ég ætla að leyfa mér að spá því að bakaðar hafi verið smákökur á allavegana 2/3 heimila á suðvesturhorninu í dag.

Lúxusvandamál fyrsti hluti

2007-12-12T08:15:00.000Z

hvernig stendur á því að maður nennir með glöðu geði að fara upp í bíl, keyra í búðina, vappa þar um í tæpan klukkutíma að spá og spegúlera, safna í körfuna alls kyns þarfa og óþarfa, setja draslið í plastpoka, drusla því með erfiðismunum í bílinn, keyra heim, skutla pokunum inn í eldhús..

og nenna svo ekki með nokkru lifandis móti að setja draslið upp í skápana?

2007-12-08T23:52:00.000Z

er ég eina manneskjan í heiminum sem hefur fattað að Eddie Izzard og Pink eru ALVEG EINS?

fyndna barnið

2007-11-27T21:38:00.000Z

á tvö góð móment síðustu daga:

1. á laugardaginn að éta jarðarberjahlaup úr nammidagsnamminu:

Ragnheiður Dóra: hvaða hlaup er nú þetta, mamma?

Mamma: hva, er það ekki bara gott?

Ragnheiður Dóra: jújú... það er samt eiginlega á bragðið eins og lyktin í Ikea..

2. Hlaupandi úr bílnum á leiðinni í píanótíma:

Mamma: hvað er þetta, á ekkert að kyssa mömmu sína bless?

Ragnheiður Dóra: oh, mamma, vertu ekki alltaf með þessa dramatík!

Önnur

2007-07-03T20:09:00.000Z

"Presturinn flutti mig," sagði sköllótta vinkona mín sem oft var hjartveik.

Mengellý

2007-07-03T15:24:00.000Z

-in mín er:

"Þið tæmduð þig," sagði sposka vinkona mín sem iðulega var kynskiptingur.

Tannlausi dvergurinn

2007-06-23T10:55:00.000Z

er SJÖ ára í dag!!!

til hamingju með afmælið elsku besta Ragnheiður Dóra mín :D

Elsku mamma mín

2007-06-06T15:53:00.000Z

sem er mér svo ómetanleg á allan hátt, sem stuðningsmanneskja, gagnrýnandi, kennari, aukaforeldri fyrir barnið mitt, samstarfskona og síðast en ekki síst vinur er sjötug í dag.

Hjartanlega til hamingju með daginn mamma!

mééééér langar í eitt

2007-05-18T09:06:00.001Z

af svona kikvendum :D

spurningaleikur fiðrildisins

2007-05-15T22:27:00.000Z

Freyja sæta frænka mín er með spurningaleik á blogginu sínu, hvet alla til að taka þátt :)

hér koma svörin þín Freyja mín:

1. já

2. til Ítalíu, rómar og marche

3. í 10 daga

4. já þrisvar sinnum til Ítalíu en reyndar aldrei á þetta svæði :)

Stebba Jóns á þing..

2007-05-06T09:08:00.000Z

yes!! yes!! yes!!

jæja nú er komið að því!!

2007-05-02T12:02:00.000Z

Vortónleikar Sönghópsins Hljómeykis:
Óttusöngvar á vori
Á tónleikum í Langholtskirkju sunnudaginn 6. maí kl. 17:00 mun Sönghópurinn Hljómeyki flytja ásamt einsöngvurum og hljóðfæraleikurum Óttusöngva á vori eftir Jón Nordal. Auk þess flytur kórinn tónleikunum fimm 20. aldar kórverk sem mörg hafa aldrei hljómað áður á Íslandi.

Óttusöngvar á vori eftir Jón Nordal eru seinasta og jafnfram viðamesta verk tónleikanna. Hann samdi tónverkið árið 1993 að beiðni aðstandenda Sumartónleika í Skálholtskirkju og tileinkaði Skálholtsdómskirkju. Verkið skiptist í fjóra kafla. Þrír hinir fyrstu eru hefðbundnir messuþættir, þ.e. Kyrie, Sanctus og Agnus Dei, en fjórði kaflinn er saminn við Sólhjartarljóð eftir Matthías Johannessen. Matthías samdi Sólhjartarljóð í tilefni af því að þúsund ár voru síðan kristni var fyrst boðuð í landinu og í kvæðinu vitnar hann beint til Sólarljóða.
Auk Hljómeykis koma fram söngvararnir Hallveig Rúnarsdóttir og Sverrir Guðjónsson, Sigurður Halldórsson sellisti, Frank Aarnink slagverksleikari og Lenka Mátéova organisti. Stjórnandi er Magnús Ragnarsson.

Suomi here I come

2007-04-29T11:19:00.000Z

yðar háæruverðuga undirrituð verður fulltrúi Íslands í Sibeliusar söngkeppninni (þeirri fyrstu sem verður haldin, hingað til hafa bara verið haldnar fiðlukeppnir hjá þeim), í haust.. keppendur eru 32, langflestir finnar en einn dani, einn norðmaður, einn letti, 3 svíar og svo ég.. jei!

Spurning hvort við Eiki tökum tvennuna í ár.. hann Júró og ég Síbba.. hehehe

snilld

2007-04-20T17:50:00.000Z

Why do we teach music? Not because we expect you to major in music. Not because we expect you to play and sing all your life. Not so you can relax. But so you will be human. So you will recognize beauty. So you will be sensitive. So you will have something to cling to. So you will have more love, more compassion, more gentleness, more good, in short, more life. Of what value will it be to make a prosperous living unless you know how to live? That is why we teach music.
-Unknown

stolið frá Geninu..

jæja, allir að mæta

2007-04-03T08:47:00.000Z

Kór Áskirkju flytur Jóhannesarpassíu J.S.Bach, BWv 245, í Fossvogskirkju á Skírdag 5.apríl og Föstudaginn langa 6. apríl.

Flytjendur eru Kór Áskirkju ásamt kammersveit

– konsertmeistari - Hjörleifur Valsson.

Einsöngvarar eru Ágúst Ólafsson barítón, Bergþór Pálsson barítón, Eyjólfur Eyjólfsson tenór, Gunnar Guðbjörnsson tenór, Hallveig Rúnarsdóttir sópran, Jóhanna Ósk Valsdóttir, messósópran.

Stjórnandi er Kári Þormar

Tónleikarnir hefjast kl:17. báða dagana.

Vonast til að sjá sem flesta, hægt er að nálgast miða í 12 tónum eða hjá mér og öðrum kórfélögum, nú eða þá að kaupa við innganginn :D

Lofa geeeeðveiku rokki og róli. Bach er helsti rokkari allra tíma eins og allir vita.

Kær kveðja,

Hallveig

premiére blizz

2007-03-22T00:35:00.000Z

ahahahahahahalmáttugur hvað það var skenntilett á frumsýningu á Suor Angelica og Gianni Schicchi (borið fram skikki fyrir ykkur óítölskumælandi lesendur.. ekki að það séu neinir, hámenntasnobbin sem þið eruð).

Mæli eindregið með þessari sýningu niðrí óphúsi, nánar um sýningartíma hér.

Elsku Maggí, Erla Dóra, Alla, Tinna Árna, Tinna Sigurðar, Ásgeir Páll, Þorri, Skúbbi Nas, Halla Dröfn, Maggi, Danni, Dagrún, Unnur Helga, Lára Hrönn og þið öll sem ég þekki persónulega í Hljónstinni (nenni ekki að slá ykkur öll inn) og svo auðvitað öll þið sem ég þekki ekki, þið voruð algerlega frábær! Og listrænir stjórnendur sem eiga ekkert annað en hrós og aftur hrós skilið og svo síðast en ekki síst Bjarni fráfarandi ópstjóri. Til hamingju öllsömul!!

Og svo var auðvitað freyðari á eftir sem auk freyðarans í hlénu orsakar að maður er bara helvíti hress ossona.

Jájá. Hava Nagila, I like to move it, move it, og who is that girl I see allt í bland. En það er alltílæ, mér finnst bara bæði betra :D

Verst að Jón sætasti maðurinn skyldi ekki komast með mér. Hann kemur bara með í haust þegar yours truly verður einn af flytjendunum í Ariandne. Respect!

hvítur skítur

2007-03-19T14:42:00.000Z

eða hæse sjæse eins og það útleggst á útlensggunni.

ég hef nú barasta aldrei vitað annað eins, ég þjáist af óstjórnlegri þreytu og líkamlegum einkennum vegna viðamikilla Bachæfinga helgarinnar. Nett bak(bach)flæði í gangi, þreyta í öxlum,l hálsi og vinstri hönd sökum bókaáhalds og síðast en ekki síst er ég með hrikalegar harðsperrur í þindinni. úff og æ.

Reyndar gæti þreytan (og hálsrígurinn) nú líka eitthvað tengst alveg hreint ágætri árshátíð kappaflingflings á laugardaginn sem ég mun hafa sem fæst orð um hér.

ja nema þessi:

ÓLSEN BRÆÐUR ERU EKKI, SEGI OG SKRIFA EKKI LORDI!!!

En þó finnsku ofurtröllin hefðu mætt hefði þetta samt ekki náð að slá út árshátíðina í fyrra. Hrikalega var gaman þá.

stóra systir

2007-03-14T08:24:00.000Z

aka eldri útgáfan aka tölvuóða tónskáldið á ammæli í dag.

Til hamingju með daginn mín kæra :D

skógarpúkinn væla

2007-03-10T20:37:00.000Z

verður í herlegum síðdegisþætti þesslags kykvenda kl 17.00 á ráseitt allra landsmanna á morgun ásamt eðalterónanum Eyjólfi Kristjáns.. nei afsakið Eyjólfssyni og heimskrar-ringlu tónsmiðnum TMBALD. Afskaplega skondið og skemmtilegt þó ég segi sjálf (eða alteregóið Hallveig) frá.

Einnig verður hægt að nálgast þetta á interwebbnum í allavega tvær vikur þar á eftir þannig að dyggir lesendur hafa enga afsökun og vinsamlega kvitta fyrir hlustun takk!

auminagey og elvis

2007-02-25T09:16:00.000Z

Fyndna barnið þjáist af inflúensu af verstu sort og er búin að liggja heima síðan á þriðjudag. Fyndnu beinin hafa því verið í pásu og við mæðgur orðnar afskaplega innimyglaðar, sérstaklega núna eftir að ég vaknaði gersamlega þegjandi hás og stífluð í nefi svo vessarnir flæða út (þessi lýsing var í boði sveinunga). Sem er fúlt því ég ætlaði að syngja á eftir í skírninni hans elsku Kolbeins Óla en ég þarf þá bara að gaula í fermingunni í staðinn :D Ætti að vera búin að ná mér þá.

Þessi pest er búin að vera lengi á leiðinni og ég var byrjuð að finna fyrir henni á fimmtudagskvöld, en lét það þó ekki stoppa mig í að eiga stefnumót á föstudagskvöldið. Það var við Elvis, Lísu í Undralandi og Marilyn Monroe. Með öðrum orðum þá fór ég á alveg hrikalega fyndna sýningu sem heitir flagari í framsókn í óphúsinu. Við Maggí vinkona fórum og hlógum eins og fífl alla sýninguna og smituðum í kring um okkur þannig að það hafði víst aldrei verið jafn skemmtilegur salur og þar af leiðandi aldrei jafn fyndin sýning. Ætti kannski að ráða okkur sem fastar klappstýrur, maður gæti kannski nælt sér í fastráðningu við þetta ágæta hús sem ein slík ;)

Mæli semsagt með Flagaranum Elvis en ekki með inflúensu af stofni A.

úff púff

2007-02-16T18:31:00.000Z

haldiði ekki að eftir nokkurra daga stanslausar pælingar, símhringingar, vesin og heilabrot til þess að finna út ódýrasta flug til Rómar í gegn um London (sem þýðir 9 tíma ferðalag hvora leið á minnst 36.800 kr) hafi Sumarferðir ákveðið að fara að bjóða upp á beint leiguflug þangað fyrir 26.900!!!!

GGGGGAAAAAAAAARRRRRRRGGGGGGGGHHHHHHHHHHHH!!!!!!!!!!!!!!!!!!!!!!!!!!!!!!!

pirr bögg ansk.. djö..

Reyndar kom svo í ljós við nánari skoðun að þetta hefði þýtt þrjár extra hótelnætur í Róm fyrir 14 manns og eina aukanótt fyrir 5 í viðbót.. þannig að þetta er allavega ekki ódýrara.... en án efa þægilegra..

Ekkert við þessu að gera, Ryanairflugið keypt að fullu og innborgun á Icelandexpress borguð og ekki endurgreidd og þar með nenni ég ekki að eyða neinum tíma eða orku til að pirra mig á þessu.

Versta er að slæma tilfinningin sem er búin að vera að hrjá mig hálfan daginn hvarf ekki við þessar fréttir. Hlýtur þá að vera eitthvað annað sem er yfirvofandi. sjö níu þrettán lemja í borðið.